Мэксыканская затока
![](http://chped.net/https/upload.wikimedia.org/wikipedia/commons/thumb/b/b7/GulfofMexico3D.jpg/300px-GulfofMexico3D.jpg)
![](http://chped.net/https/upload.wikimedia.org/wikipedia/commons/thumb/5/5f/15-07-14-Yucatan-%C3%96lfelder-RalfR-WMA_0481.jpg/220px-15-07-14-Yucatan-%C3%96lfelder-RalfR-WMA_0481.jpg)
Мэксыка́нская зато́ка (па-ангельску: Gulf of Mexico, па-гішпанску: Golfo de Me'xico) — шырокая водная прастора, частка Атлянтычнага акіяна, абмежаванага з паўночнага захаду, поўначы і ўсходу ўзьбярэжжам ЗША (штаты Флорыда, Алабама, Місысыпі, Люізіяна і Тэхас), на поўдні і паўднёвым захадзе — узьбярэжжам Мэксыкі (штаты Тамаўпілас, Вэракруз, Табаска, Кампеча, Юкатан), а таксама Кубай.
Затока злучаецца з Атлянтычным акіянам Фларыдзкім і Юкатанскім пралівамі. Дзякуючы параўнальна невялікай шырыні гэтых праліваў прыліўныя зьявы выяўленыя слаба. У Мэксыканскую затоку ўпадае мноства рэк, уключаючы Місысыпі, Алабаму і Нуэсэс.
Найболей буйныя гарады на ўзьбярэжжы — Тампа, Сэнт-Пецярбург, Пэнсакола, Мабіл, Новы Арлеан, Г'юстан.
На шэльфе Мэксыканскай затокі засяроджаныя значныя запасы нафты і прыроднага газу; здабыча гэтых карысных выкапняў вядзецца ў асноўным з дапамогай нафтавых плятформаў.