Іван Ракіціч
Іван Ракіціч | ||
![]() | ||
Пэрсанальная інфармацыя | ||
---|---|---|
Нарадзіўся | 10 сакавіка 1988[1][2][3] (36 гадоў) | |
Рост | 184 см | |
Вага | 78 кг | |
Пазыцыя | паўабаронца | |
Клюбная інфармацыя | ||
Клюб | Аль-Шабаб | |
Нумар | 30 | |
Клюбы | ||
Гады | Клюб | Гульні (галы)¹ |
2005—2007 2007—2011 2011—2014 2014—2020 2020—2024 2024— |
Базэль Шальке-04 Сэвільля Барсэлёна Сэвільля Аль-Шабаб |
34 (11) 97 (12) 117 (25) 200 (24) 121 (11) 8 (1) |
Зборныя | ||
2007— | Харватыя | 106 (15) |
¹ Колькасьць гульняў і галоў за прафэсійны клюб лічыцца толькі |
Іван Ракіціч (па-харвацку: Ivan Rakitić; нарадзіўся 10 сакавіка 1988 году, Райнфэльдэн[5], Швайцарыя) — харвацкі футбаліст, паўабаронца саудаўскага клюбу «Аль-Шабаб» і нацыянальнай зборнай Харватыі.
Кар’ера[рэдагаваць | рэдагаваць крыніцу]
Клюбная[рэдагаваць | рэдагаваць крыніцу]
Іван пачаў займацца футболам у мясцовай камандзе «Мёлін-Рыбург», а ў 2002 годзе перайшоў у футбольную акадэмію клюбу «Базэль». Дэбютаваў у асноўнай камандзе клюбу 29 верасьня 2005 году ў гульні на Кубак УЭФА супраць басьнійскай каманды «Шырокі Брыег». У швайцарскай Супэрлізе дэбютаваў 15 красавіка 2006 году матчам супраць «Нэўшатэль Ксамакс», аднак гульцоў асноўнага складу стаў толькі на наступны сэзон 2006—2007 гадоў.
![](http://chped.net/https/upload.wikimedia.org/wikipedia/commons/thumb/f/f3/IvanRakitic.jpg/240px-IvanRakitic.jpg)
Дзякуючы добрых выступаў за швайцарскі клюб цікавасьць да гульца аб’явіў нямецкі «Шальке-04». Ужо 22 чэрвеня 2007 году малады гулец быў выкуплены нямецкай камандай за 5 млн эўра. 10 жніўня 2007 году ў першым туры Бундэсьлігі новага сэзону «Шальке» гуляў са «Штутгартам». Ракіціч выйшаў на пляцоўку ў другім тайме і забіў свой першы гол у чэмпіянаце, правёўшы на полі толькі сем хвілінаў. Ягоная каманда ў выніку згуляла ўнічыю зь лікам 2:2. Наступныя чатыры сэзоны, праведзеныя за клюб з Гельзэнкірхэну, большасьць часу быў асноўным гульцом каманды.
28 студзеня 2011 году Ракіціч падпісаў кантракт з гішпанскім клюбам «Сэвільля» на 4,5 году. Трансэфр гульца каштаваў пірэнэйскаму клюбу 2,5 млн эўра[6]. Па прыбыцьці ў клюб Ракіціч быў неадкладна ўключаны ў стартавы склад каманды, дэбютаваўшы 6 лютага 2011 году ў матчы супраць «Малягі». У наступнай гульні супраць «Расінгу» ён забіў аўтагол, але ўжо ў наступным матчы супраць «Эркулесу» здолеў забіць свой першы гол за новы клюб.
У пачатку сэзону 2013—2014 гадоў быў абраны трэнэрам Унаі Эмэры капітанам каманды[7]. Ад пачатку сэзону ён быў адным з самых найлепшых гульцоў у лізе. Разам з клюбам у гэтым сэзоне стаў пераможцам Лігі Эўропы.
16 чэрвеня 2014 году стала вядома пра пераход Івана да «Барсэлёны», харвацкі гулец падпісаў 5-гадовы кантракт з каталёнскім клюбам[8]. Дэбютаваў у складзе новага клюбу 24 жніўня 2014 году ў матчы адкрыцьця новага сэзону Ля Лігі супраць «Эльчэ». Першы гол за барсэлёнскі клюб Ракіціч забіў у хатнім матчы супраць «Левантэ» (5:0) 21 верасьня 2014 году. На наступным тыдні ў сустрэчы супраць «Гранады» (6:0) харвацкі паўабаронца зноўку адзначыўся за клюб[9].
6 чэрвеня 2015 году ў фінальным матчы Лігі чэмпіёнаў супраць турынскага «Ювэнтусу» Ракіціч забіў першы гол свайго клюбу, а «Барсэлёна» сьвяткавала перамогу ў гэтым турніры зь лікам 3:1[10]. Такім чынам, у першым сэзоне харват дапамог клюбу перамагчы ў чэмпіянаце, кубку і Лізе чэмпіёнаў.
Міжнародная[рэдагаваць | рэдагаваць крыніцу]
Нягледзячы на выступы ў моладзевай зборнай Швайцарыі перавагу Іван аддаў сваёй этнічнай радзіме зборнай Харватыі. Дэбют Ракіціча за нацыянальную каманду адбыўся 8 верасьня 2007 году ў адборачным матчы Эўра-2008 супраць нацыянальнай каманды Эстоніі. Першы гол за зборную ён забіў у другой сваёй гульні супраць зборнай Андоры.
Дасягненьні[рэдагаваць | рэдагаваць крыніцу]
«Базэль»:
- Уладальнік Кубка Швайцарыі: 2007
«Сэвільля»:
- Пераможца Лігі Эўропы: 2014, 2023
«Барсэлёна»:
- Чэмпіён Гішпаніі: 2015, 2016, 2018, 2019
- Уладальнік Кубка Гішпаніі: 2015, 2016, 2017, 2018
- Уладальнік Супэркубка Гішпаніі: 2016, 2018
- Пераможца Лігі чэмпіёнаў: 2015
- Уладальнік Супэркубка УЭФА: 2015
- Пераможца клюбнага чэмпіянату сьвету: 2015
Крыніцы[рэдагаваць | рэдагаваць крыніцу]
- ^ а б в Ivan Rakitić // FBref.com (мн.)
- ^ а б в IVAN RAKITIC // Argentine Soccer Database (гішп.)
- ^ а б в Ivan Rakitic // As (гішп.) — Madrid: Grupo Prisa, 1967. — ISSN 1888-6671
- ^ а б https://web.archive.org/web/20181105193720/https://www.fcbarcelona.com/football/first-team/staff/players/2017-2018/rakitic
- ^ munzinger.de
- ^ Rakitić opts for Sevilla, Medel to follow. UEFA.
- ^ Velika počast za Hrvata: Ivan Rakitić novi kapetan Seville!. gol.dnevnik.hr.
- ^ Agreement for Ivan Rakitic to join FC Barcelona. FC Barcelona.
- ^ Barcelona's impressive start to the La Liga season continued as Neymar's hat-trick helped them to demolish a poor Granada side at the Nou Camp. BBC Sport
- ^ Barcelona see off Juventus to claim fifth title. UEFA
Вонкавыя спасылкі[рэдагаваць | рэдагаваць крыніцу]
- Профіль (анг.) на Transfermarkt
- Профіль (анг.) на Soccerway
- Старонка на афіцыйным сайце ФК «Сэвільлі»
- Статыстыка на National Football Teams