Андрэй Казімер Завіша
![]() Андрэй Казімер Завіша. Невядомы мастак, 1676 | |
![]() Герб «Лебедзь» | |
Асабістыя зьвесткі | |
---|---|
Нарадзіўся | каля 1614 |
Памёр | 23 або 26 чэрвеня 1678 |
Пахаваны | |
Род | Завішы |
Бацькі | Крыштап Завіша Кацярына з Тышкевічаў |
Жонка | Аляксандра з Агінскіх |
Дзеці | Крыштап Станіслаў, Ян |
- Вікіпэдыя мае артыкулы пра іншых асобаў з прозьвішчам Завіша (неадназначнасьць).
Андрэ́й Казі́мер Заві́ша (каля 1614 — 23 або 26 чэрвеня 1678) — дзяржаўны дзяяч Вялікага Княства Літоўскага. Пісар вялікі літоўскі (з 1650).
Быў старостам менскім (з 1638), чачэрскім і слонімскім[1].
Біяграфія[рэдагаваць | рэдагаваць крыніцу]
![](http://chped.net/https/upload.wikimedia.org/wikipedia/commons/thumb/e/e2/Andrej_Kazimier_Zavi%C5%A1a._%D0%90%D0%BD%D0%B4%D1%80%D1%8D%D0%B9_%D0%9A%D0%B0%D0%B7%D1%96%D0%BC%D0%B5%D1%80_%D0%97%D0%B0%D0%B2%D1%96%D1%88%D0%B0_%28A._Tarasievi%C4%8D%2C_1681-90%29.jpg/150px-Andrej_Kazimier_Zavi%C5%A1a._%D0%90%D0%BD%D0%B4%D1%80%D1%8D%D0%B9_%D0%9A%D0%B0%D0%B7%D1%96%D0%BC%D0%B5%D1%80_%D0%97%D0%B0%D0%B2%D1%96%D1%88%D0%B0_%28A._Tarasievi%C4%8D%2C_1681-90%29.jpg)
Прадстаўнік шляхецкага роду Завішаў гербу «Лебедзь», сын Крыштапа і Кацярыны з Тышкевічаў. Меў брата Яна Юрыя.
Ахвяраваў сродкі на будаваньне касьцёла ў Раготне, дзякуючы якім яно завяршылася ў 1673[2].
Ажаніўся каля 1645 з Аляксандрай, дачкой Аляксандра Агінскага[3]. У шлюбе меў сыноў Крыштапа Станіслава і Яна.
Пахавалі А. К. Завішу ў касьцёле Сьвятога Язэпа пры кляштары бэрнардынаў у Менску[4].
Да нашага часу дайшоў партрэт А. К. Завішы, які цяпер экспануецца ў Гістарычны музэі ў Менску, а таксама гравюра А. Тарасевіча (1670-я) з гербам роду і лацінскім надпісам (захоўваецца ў Нацыянальнай бібліятэцы ў Варшаве).
Крыніцы[рэдагаваць | рэдагаваць крыніцу]
- ^ Насевіч В. Завішы // ВКЛ. Энцыкл. — Мн.: 2005 Т. 1. С. 639.
- ^ Камунтавічэне В. Каталіцкія парафіі слонімскага дэканата віленскага біскупства ў XVII ст. // Беларускі гістарычны агляд. Том 11. 2004.
- ^ Насевіч В. Тэрыторыя Чэрвеньскага раёна ў перыяд феадалізму // Памяць: Гіст.-дакум. хроніка Чэрвеньскага р-на / Уклад.: Г. М. Аўласенка, З. І. Малейка. — Мн.: БЕЛТА, 2000.
- ^ Харэўскі С. Намоленае месца // «Наша Ніва» № 26, 2005.
Літаратура[рэдагаваць | рэдагаваць крыніцу]
- Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 684 с. — ISBN 985-11-0314-4