Плаваньне на сьпіне
Выгляд
![](http://chped.net/https/upload.wikimedia.org/wikipedia/commons/thumb/0/0c/Backstroke_start_at_2008_EC.jpg/250px-Backstroke_start_at_2008_EC.jpg)
Плаваньне на сьпіне, кроль на сьпіне — стыль плаваньня, які візуальна падобны на кроль (рукі зьдзяйсьняюць грабкі напераменку, а ногі зьдзяйсьняюць папераменнае бесьперапыннае ўзьняцьце/апусканьне), але мае наступныя адрозьненьні: чалавек плыве на сьпіне, а не на жываце, і пранос над вадой выконваецца прамой рукой, а не сагнутай, як у кроле. Трэці па хуткасьці стыль плаваньня. Асаблівасьцю гэтага спосабу зьяўляецца тое, што чалавеку ня трэба выдыхаць у ваду, бо асоба знаходзіцца на паверхні. Яшчэ адна асаблівасьць стылю — гэта тое, што старт зьдзяйсьняецца з вады, а ня з тумбачкі, як ва ўсіх астатніх стылях.