Полацкая ратуша
![](http://chped.net/https/upload.wikimedia.org/wikipedia/commons/thumb/b/bc/Po%C5%82ackaja_ratu%C5%A1a._%D0%9F%D0%BE%D0%BB%D0%B0%D1%86%D0%BA%D0%B0%D1%8F_%D1%80%D0%B0%D1%82%D1%83%D1%88%D0%B0_%28XVIII%29.jpg/220px-Po%C5%82ackaja_ratu%C5%A1a._%D0%9F%D0%BE%D0%BB%D0%B0%D1%86%D0%BA%D0%B0%D1%8F_%D1%80%D0%B0%D1%82%D1%83%D1%88%D0%B0_%28XVIII%29.jpg)
Полацкая ратуша — помнік археалёгіі 16 ст.[1] ў месце Полацак. Знаходзілася на рынку.
Гісторыя[рэдагаваць | рэдагаваць крыніцу]
Паводле прывілея 1498 году месту на Магдэбургскае права было загадана пабудаваць ратушу "на местцы годном". Полацкая ратуша была ўзведзена пасля 1509 году. Праіснавала да другой паловы XVIII ст. У 1780 годзе на яе месцы узведзены дом генерал-губернатара. У 1996 годзе, пад час археалагічнага нагляду за будаўніцтвам на яго тэррыторыі, П.А. Русаў зафіксаваў падмуркі трох розначасовых мураваных будынкаў, зробленыя у тэхніцы рэнесансавай муроўкі. На поўдзень ад ратушы месьціўся рынак, на поўнач - вуліца Вазнясенская, з усходу прялагала вуліца Прабойная. Каля ратушы быў гасцінны двор. Крыніцай для рэканструкцыі знешняга выгляду ратушы зьяўляецца абраз св. Мікалая з фондаў нацыянальнага полацкага гісторыка-культурнага музея-запаведніка. Выява святога зьмешчана на фоне места з выразнай барочнай забудовай XVIII ст. Леваруч ад фігуры - высокая шматярусная званіца, за фігурай святога - грамадзянская забудова, праваруч - будынак, які нагадвае ратушу. Гэтыя пабудовы могуць быць суаднесены з Полацкім Сафійскім саборам, Полацкім езуіцкім калегіюмам і Полацкай ратушай. На малюнку абраза ратуша зьмешчана за муром рынку. [2][3]
"І, напэўна, найгалаўнейшае, што мы знайшлі - гэта яшчэ адзін доказ таго, што зусім недалёка ад гэтага месца знаходзілася полацкая ратуша. Як раз вось гэты мясніковы рад, дакладней, яго накірунак, быў нетыповы ў адносінах да іншых вуліц, ён знаходзіўся як бы за рогам і відавочна нешта абмінаў. Дадзеныя раскопак і крыніц, з якімі мне ўдалося папрацаваць у нацыянальным гістарычным архіве, сьцвярджаюць тое, што полацкая ратуша была на месцы сучаснага будынку «Белаграпрамбанка». У канцы XVIII стагоддзя да прыезду Кацярыны II, калі будаваўся дом генерал-губернатара, ратуша была перабудавана ў адпаведнасці з рэаліямі таго часу. Такім чынам, у канцы XVIII стагоддзя Полацак страціў рэнесансную пабудову і набыў пабудову адміністрацыйнага тыпу, якую цяпер займае «Белаграпрамбанк»." - Дзяніс Дук.
Крыніцы[рэдагаваць | рэдагаваць крыніцу]
- ^ https://archives.gov.by/home/tematicheskie-razrabotki-arhivnyh-dokumentov-i-bazy-dannyh/istoricheskie-sobytiya/arhivnye-dokumenty-i-materialy-6/yuridicheskie-osnovy-upravleniya-belorusskimi-zemlyami-v-xiv-xviii-vekah-4/otrazhenie-v-literature-iskusstve-i-geraldike-epohi-feodalizma/ratusha-v-g-poloczke// Архивы Беларуси
- ^ Дук Д.У. Полацкая ратуша // Археалогія Беларусі : энцыклапедыя. У 2 т. Т. 2. Л – Я / рэдкал. : Т.У. Бялова (гал. рэд.) [і інш.]. – Мінск : Энцыкл. імя П. Броўкі, 2011. – С. 204.
- ^ https://ok.ru/kratkayais/topic/68172320082929
- ^ https://web.archive.org/web/20191120003907/http://kadet.by/news/arkheologam_otkryvajutsja_tajny_drevnego_polocka/2010-07-09-57