Прыднястроўскі рубель
![](http://chped.net/https/upload.wikimedia.org/wikipedia/commons/thumb/9/9d/Pmr-money-rouble-1-obv.jpg/300px-Pmr-money-rouble-1-obv.jpg)
Прыднястроўскі рубель — грашовая адзінка Прыднястроўскай Малдаўскай Рэспублікі. 1 рубель роўны 100 капейкам.
Уласная грашовая адзінка зьявілася ў Прыднястроўі ў 1994 годзе. Дагэтуль рэспубліка карысталася савецкімі банкнотамі, на якія прыляпляліся спэцыяльныя маркі з выявай А. В. Суворава. На новых прыднястроўскіх рублях выяўляліся Аляксандар Сувораў і Багдан Хмяльніцкі.
Вельмі хуткія тэмпы інфляцыі прывялі да неабходнасьці дэнамінацыі і замены грашовых банкнотаў. Дэнамінацыя была праведзеная ў 2001 годзе, грошы мяняліся ў суадносінах 1 000 000:1.
Новыя банкноты Прыднястроўскага рэспубліканскага банку ўзору 2000 году маюць істотныя адрозьненьні ад старых. На банкнотах наміналам 1, 5, 10, 25 рублеў на пярэднім баку выяўлены расейскі паўкаводзец А. В. Сувораў.
![](http://chped.net/https/upload.wikimedia.org/wikipedia/commons/thumb/0/0b/50_PMR_2000_ruble_obverse.jpg/300px-50_PMR_2000_ruble_obverse.jpg)
На пярэднім баку банкноты наміналам 50 рублёў выяўлены клясык украінскай літаратуры Тарас Шаўчэнка.
![](http://chped.net/https/upload.wikimedia.org/wikipedia/commons/thumb/b/bf/100_PMR_2000_ruble_obverse.jpg/300px-100_PMR_2000_ruble_obverse.jpg)
На пярэднім баку банкноты 100 рублёў — выява малдаўскага гаспадара Дзьмітрыя Кантэміра, вучонага, філёзафа і асьветніка.
На банкноце 200 рублёў — выява графа П. Румянцава-Задунайскага, 500 рублёў — расейскай імпэратрыцы Кацярыны ІІ.
Акрамя банкнотаў у 1, 5, 10, 25, 50, 100, 200 і 500 рублёў зьявіліся таксама манэты. Манэты ў 1, 5, 10 капеек вырабляюцца з алюмініевага сплава, а ў 50 і 25 капеек (уведзеныя ў 2002 годзе) — зь медна-цынкавага сплава.