Срэм
![](http://chped.net/https/upload.wikimedia.org/wikipedia/commons/thumb/b/b1/%D0%A1%D1%80%D0%B5%D0%BC.png/250px-%D0%A1%D1%80%D0%B5%D0%BC.png)
Срэм (па-сэрбску: Срем, па-харвацку: Srijem, па-вугорску: Szerémség) — урадлівы ўчастак Сярэднедунайскай нізіны паміж рэкамі Дунай і Сава, які часткова знаходзіцца ў Харватыі (Вукаварска-Срэмская жупанія), а большай часткай — у Сэрбіі (Срэмская акруга).
Назва паходзіць ад старажытнага гораду Сірмій (цяпер — Срэмска-Мітравіца). У XI стагодзьдзі разам з Мачвай гістарычнае ядро Срэму ўваходзіла ў склад аднайменнай бізантыйскай фемы. У XV стагодзьдзі кіравалася сэрбскімі дэспатамі з роду Бранкавічаў. З 1521 году — у Асманскай імпэрыі як асобны санджак з цэнтрам у Срэмскай Мітравіцы. З 1745 году — павет габсбургскага каралеўства Славонія, у 1860—1918 гадах — камітат Вугоршчыны. Пасьля распаду Югаславіі частка Срэму ўвайшла ў склад непрызнанай рэспублікі Сэрбская Краіна і стала арэнай бязьлітасных баявых дзеяньняў.