Адборачны турнір чэмпіянату Эўропы па футболе 2020 году пройдзе з сакавіка 2019 году да сакавіка 2020 году. У ім бяруць удзел 55 зборных краінаў, якія ўваходзяць у УЭФА.
Па дзьве найлепшыя каманды з кожнай групы трапяць у фінальную частку турніру. Яшчэ 4 каманды будуць вызначаныя ў плэй-оф, удзельнікі якога будуць вызначаныя з улікам вынікаў групавога этапу, а таксама Лігі нацыяў 2018—2019 гадоў.
Для вызначэньня месца ў групе для камандаў, якія набралі аднолькавую колькасьць пунктаў, выкарыстоўваюцца наступныя крытэры:
Найбольшая колькасьць пунктаў, набраная ў матчах паміж гэтымі камандамі
Найлепшая розьніца мячоў у матчах паміж гэтымі камандамі
Найбольшая колькасьць мячоў, забітых у матчах паміж гэтымі камандамі
Найбольшая колькасьць мячоў, якія былі забітыя ў гасьцях, у матчах паміж гэтымі камандамі
Калі пасьля памяненьня пунктаў 1—4 яшчэ засталіся каманды з аднолькавым вынікам, пункты 1—4 прымяняюцца выключна да матчаў паміж гэтымі камандамі. Калі гэтая працэдура не вядзе да рашэньня, памяняюцца крытэры 6—12.
Найлепшая розьніца мячоў ва ўсіх матчах групы
Найбольшая колькасьць забітых мячоў ва ўсіх матчах групы
Найбольшая колькасьць мячоў, якія былі забітыя ў гасьцях, ва ўсіх матчах групы
Найбольшая колькасьць перамогаў ва ўсіх матчах групы
Найбольшая колькасьць перамогаў у гасьцях ва ўсіх матчах групы
Паводле вынікаў групавога этапу Лігі нацыяў 2018—2019 гадоў былі вызначаныя па 4 удзельнікі плэй-оф з кожнай лігі. Калі нейкая з гэтых зборных трапіць у фінальны турнір праз адборачны турнір, яна будзе замененая наступнай у рэйтынгу зборнай з адпаведнай лігі. Матчы плэй-оф пройдуць у сакавіку 2020 году. На цяперашні момант удзельнікамі плэй-оф зьяўляюцца наступныя зборныя: