Эрэсундзкі мост
![](http://chped.net/https/upload.wikimedia.org/wikipedia/commons/thumb/c/c9/%C3%96resundsbron_fr%C3%A5n_Luftkastellet.jpg/250px-%C3%96resundsbron_fr%C3%A5n_Luftkastellet.jpg)
Эрэсундзкі мост (па-швэдзку: Öresundsbron), таксама Эрэсунскі мост (па-дацку: Øresundsbroen) — сумешчаны мост-тунэль, які ўключае 2-пуцявую чыгунку і 4-палосную аўтамагістраль праз праліў Эрэсунд. Гэта самая доўгая сумешчаная дарога і чыгуначны мост у Эўропе, якія злучаюць сталіцу Даніі Капэнгаген і швэдзкі горад Мальмё. Мост і тунэль зьяўляюцца часткай міжнароднага эўрапейскага аўтамабільнага маршруту E20, а таксама Эрэсундзкай чыгуначнай лініі. Будаўніцтва бесьперапыннай лініі Вялікага Пасу (The Great Belt Fixed Link) і Эрэсундзкага мосту дазволіла зьвязаць кантынэнтальную Эўропу са Швэцыяй і ўсёй Скандынавіяй. Мост быў спраектаваны дацкай архітэктурнай фірмай Дысынг + Вэйтлінг (Dissing + Weitling).
![](http://chped.net/https/upload.wikimedia.org/wikipedia/commons/thumb/f/fa/Oresund.ASTER.20040410.jpg/220px-Oresund.ASTER.20040410.jpg)
![](http://chped.net/https/upload.wikimedia.org/wikipedia/commons/thumb/a/ab/%C3%96resundsbron.jpg/250px-%C3%96resundsbron.jpg)
Эрэсундзкі мост перасякае мяжу паміж Даніяй і Швэцыяй, але дзякуючы Шэнгенскаму пагадненьню там няма пашпартнага кантролю. Праводзяцца звычайныя мытныя праверкі ля стэндаў (шапікаў) аплаты праезду па мосьце для тых, хто заязджае ў Швэцыю, але не для тых, хто заязджае ў Данію.
Вонкавыя спасылкі[рэдагаваць | рэдагаваць крыніцу]
- Афіцыйны сайт мосту(недаступная спасылка) (анг.)